في المقالة دي هاقول ليكم علي اسرار تحقيق اول مليون دولار من البيزنس خطوة بخطوة من الصفر ، في 56 مليون مليونير حول العالم ، انتا لية مش واحد منهم ، ركز في كل كلمة هاقولة ليك في المقالة دي ، لاني هاكلمك علي حاجة انتا اكيد بدور عليها المال الفلوس يعني ازاي تقدر تكسب فلوس اكثر من كل احتياجاتك وفي وقت قصير ، واللي هاقولو ليك دة من واقع تجربتي الشخصية يعني الي هاتسمعو هنا كلام عملي حقيقي ، انا بنفسي طبقتة ومش هاتسمعة من حد تاني المقالة دي مش لشخص بيدور علي طريقة يكسب بيها قرشين او يزود دخلة ، المقالة دي لشخص قرر انة يغير حياتة للافضل ، شخص طموح قرر يحقق اهدافة ، شخص مستعد يبذل الوقت والجهد علي شان يوصل للحياة اللي هوا بيتمناها المقالة دي هاتفيدك جدا سواء كنت لسة في بداية الطريق خالص ولسة مش ابتديت بيزنس ، او ابتديت بالفعل بيزنس وعاوز تعرف ازاي تقدر تنمي وتزود ارباحك لحد ماتوصل لمرحلة الحرية المالية.
كيف تحقق اول مليون دولار من البيزنس
بحسب Wikipedia و موقع Th Economist في اكثر من 56 مليون مليونير بالدولار الامريكي حول العالم ، يعني اكثر من 56 مليون شخص حول العالم عندهم اموال واصول تفوق المليون دولار ، منهم اكثر من 313 الف شخص في السعودية ، واكثر من 176 الف في الامارات و اكثر من 100 الف في الكويت واكثر من 87 الف في مصر ، تعرف بقي في كام واحد حصل ميداليا اولمبية في تاريخ الاولمبيات كلة منذو اطلاقها في عام 1869 فقط 29216 حاصل علي ميدالية اوليمبية يعني في اكثر من 56 مليون شخص في عصرنا دة قدرو يوصلو اوصلهم لأكثر من مليون دولار وبس 29 الف شخص من سنة 1869 قدرو يحصلو علي ميدالية في الالمبيات عارف الكلام دة معناة اية ان تحقيق مليون دولار امر ابسط بكتير جدا مما تتخيل مش انجاز صعب قوي كدة ولا حاجة زي صعوبة انك تحصل علي ميداليا اوليمبية مثلا المقالة دي هاتخليك تبقي عارف ازاي ممكن تكون واحد من الاشخاص دي وانا في المقالة دي هاقولك علي 5 حاجات انا طبقتهم وقدرت من خلالهم احقق جزء كبير من اهدافي المالية.
احتراف التسويق والتجارة الالكترونية
بيقولك ان كل وقت ولة اذان من يجي 100 سنة كدة كنا في عصر الزراعة بمعني اية ، ان كل الي كان عاوز يعمل فلوس في الوقت دة كان ابسط واقرب حاجة لية انة يمتلك ارض زراعية كبيرة ، ومن يجي 60 سنة كدة بدأت الثروة الصناعية وكان اللي عاوز يعمل فلوس هيا الصناعة ابسط واضمن ، تفتكرو بقي احنا دلوقتي في عصر اية بالتأكيد احنا في عصر الانترنت يعني اللي عاوز يعمل فلوس في الزمن دة من اقصر واضمن الطرق لازم يتجة للانترنت بيزنس ، او علي الاقل لازم يستخدم التسويق والتجارة الالكترونية في البيزنس بتاعة.
أهمية التجارة الالكترونية
علي شان تعمل فلوس في العصر دة احترف التسويق و التجارة الالكترونية ، وعشان تفهمني احسن التجارة الالكترونية لا تقتصر علي بيع المنتجات بس ، التجارة الالكترونية هي اي عملية تبادل تجاري تتم عبر الانترنت.
والتسويق الالكتروني لا يقتصر فقط علي ان يكون عندك خدمة او منتج تسوق بيهم عن طريق الانترنت ، التسويق الالكتروني بيشمل اي نشاط تسويقي علي الانترنت ودة دلوقتي تقريبا بيدخل في كل حاجة .
خطوات احتراف التجارة و التسويق الالكتروني
انك تتعلم ودة دلوقتي بقي سهل جدا عندك مئات الفديوهات علي اليوتيوب مئات الاف المقالات باللغة العربي و الانجليزية اختار الطريقة اللي تناسبك علي شان تتعلم المهم انك تتعلم من مصادر موثوقة بس التعلم من غير تطبيق حقيقي مش هايخليك تحترف.
ابدء بيزنس كم مرة سمعت قصة عن موظف شريف مهما كانت وظيفتة قدر يحقق ثروة من خلال وظيفتة اكيد قليل جدا ، طيب كام مرة سمعت حققت ثروات بعد ما بتدت بيزنس من الصفر اكيد كتير جدا ، علي شان كدة لو عاوز فعلا تعمل فلوس ضخمة وتوصل للثراء لازن تعمل بيزنس خاص يعني Internet Business هو انك تعمل مشروع تجاري قوامة مبني علي الانترنت ، زي م ثلا انك تبدء متجر الكتروني متخصص في بيع نوع معين من المنتجات ، او انك تبدء في انشاء وبيع المنتجات الرقمية ، او انك تبدء قناة ناجحة علي اليوتيوب او حساب ناجح علي انستجرام ، وبكدة حاتبقي ابتديت تعمل فلوس وتكتسب خبرة في واحد من اهم مجالات العصر بس لازم تبقي عارف ان الفلوس مش لازم تيجي بسرعة ، يعني مش هادخل اخد كورس وبكرة الصبح هايبقي معايا فلوس الامر بالتأكيد هايحتاج شوية وقت والوقت دة ممكن يقصر حسب حاجتين مدي استيعابك للي التعلمتة ومدي اهتمامك يعني انك تاخد الامر بجدية هدف حقيقي انتا حطيطة لنفسك يبقي اولوية اولي في حياتك فاديتة كل الوقت والمجهود بكدة هاتنجح اكيد.
حاجة تانية هنا انك ممكن تكتسب الخبرة دي قبل ما تبدء بيزنس بانك بعد ماتتعلم تشتغل موظف في شركات تقدر تطبق فيها اللي انتا اتعلمتة وبعد ماتشوف ان بقي عندك الخبرة الكافي ساعتها تقدر تبدء البيزنس بتاعك ، معتمدا علي ما لديك من خبرة وعلم.
خطوات ما بعد بداية البيزنس وبدء تحقيق نجاح و ارباح
بتيجي هنا مرحلة ال Scaling او تنمية البيزنس يعني لما تبدء بيزنس صغير في التجارة الالكترونية وبعد حبة وقت تبقي بتحقق ربح شهري مثلا وصلت لي 3000 دولار خطوتك اللي جاية انك تكبر البيزنس بتاعك وهنا ما بكلمشي انك تكبر البيزنس بتاعك بالراحة او ببطء احنا هنا بنكلم في انك تضرب البيزنس بتاعك دة في 10 اضعاف واسرع وقت ممكن بس بخطة واضحة ومحسوبة المخاطر .
ازاي أعمل تنمية للبزنس بتاعي
الطريق الصحيح والسريع لي ال Scaling هي قاعدة شهرية جدا اسمها تحليل البيزنس بتاعك هاتلاقي ان 80% من الربح بتاعك بيجي من 20% بس من الانشطة والاموال اللي انتا بتصرفها واول ما تعرف المعلومة دي هاتبقي الخطوة اللي قدامك دلوقتي بمنهي البساطة انك تبدء تضاعف الاموال و الانشطة اللي بتحقق 80% من الربح ، وتسيب طبعا باقي الانشطة والاموال اللي بتتصرف زي ماهيا ، يعني لا هاتقللها ولا هاتزودها لانها عادة بتكون امور ضرورية لاستمرار البيزنس ، هاقول مثال علي شان تفهمني لو كان البيزنس بتاعك في التجارة الالكترونية في المنتجات الملموسة ودة من احسن نمازج العمل وابسطها كمان حاليا هاتشوف اية هي المنتجات المسئولة عن 80% من المبيعات خلال الفترة السابقة وتبدء في زيادة وتحسين كل انشطة التسويق الخاصة بالمنتجات دي بالذات الموضوع بالبساطة دي بس للاسف انتا مش هاتقدر تعمل ال Scaling الطلوب دة لوحدك يعني هتحتاج تمويل لاني زي مل قلت ليك المطلوب هنا انك تضاعف البيزنس بتاعك 10 اضعاف في وقت قصير يعني في سنة مثلا طيب هاجيب منين وازاي التمويل دة هاقولك في المرحلة دي الحصول علي التمويل بيكون سهل جدا لانك بالفعل بقي عندك بيزنس ناجح وبيكسب بس بيكسب قليل ودة بقي هايفتح ليك طريقين للتمويل.
الاولي هيا انك تاخد قرض بضمان البيزنس بتاعك وبالورقة و القلم كدة لو قنا ان البيزنس بتاعك بقي صافي ربحة الشهري 3000 دولار مثلا دة معناة ان اجمالي الدخل الشهري للبيزنس دة حايكون 10000 دولار ودة هايخليك تقدر تحصل بسهولة علي قرض مابين 50 الف دولار الي 150 الف دولار واكثر كمان ، طبعا قيمة القرض وشروطة بتختلف من بنك الي اخر ومن دولة الي دولة وحسب كمان طبيععة البيزنس بتاعك وظروفة و عوامل اخري كثيرة الميزة في القرض ان عادتا الحصول علية بيكون اسهل واسرع وكمان البنك مش هايدخل نسبة Equity من المشروع بتاعك وعادتا في القروض البسيطة اللي بنتكلم عنها البنك مش هايتدخل اطلاقا في طريقة ادارتك لمشروعك.
والموضوع مش بالخطورة اللي بيعتقدها البعض اسمع نصائح البيزنس من الناس اللي عملت بيزنس ناجح مش من الناس اللي عملت بيزنس وفشلت لو مشيت الموضوع زي ما قلت ليك كدة هايبقي صح وتمام يعني ماتخدشي قرض لو البيزنس بتاعك بيخسر لاني في الحالة دي كل اللي انتا هاتكون عملتة انك هاضيف خسارة تانية علي البيزنس بتاعك الي هيا الربح اللي بيحصلة منك البنك ماتخدشي قرض لو ما حللتش البيزنس بتاعك كويس وطبقت الي قلتلك علية.
طريق الحصول علي تمويل للبيزنس
هو البحث عن مستثمرين يعني ببساطة شخص او مؤسسة معاها فلوس بتستثمرها في المشروعات الصغيرة والشركات الناشئة ودول دلوقتي بقو كتير والميزة بقي هنا ان المستثمر بيدخل معاك شريك علي الربح والخسارة لاكن الحصول علي تمويل من مستثمر عادتا بياخد وقت طويل مش نفس سهولة الحصول علي قرض اطلاقا بس الاختيار اختيارك لما تكون في المرحلة دي التمويل هوا طريقك السريع لتنمية مشروعك اي ان كان مصدرة.
ونأكد هنا ان الوقت الصح للبحث عن تمويل انك تكون عملت بالفعل البيزنس وابتديت بالفعل في تحقيق ارباح حتي لو كانت بسيطة علي شان انا بشوف ناس كتير بدور علي تمويل لمجرد انة عندة فكرة هوا بس اللي شايف انها كويسة ودة من وجة نظري خطأ كبير لاني ببساطة حتي لو قدرت تحصل علي تمويل ودة في الحالة دي حاجة صعبة جدا فابنسبة تزيد عن 97% هتخسر والبيزنس الي هاتبدية دة هايقفل خلال اشهر ماتعملشي كدة وابدء بنفسك الاول ودة زي ما قلنا رأي شخصي واحد بقي هايجي يقولي طب انا هابدء ازاي اصلا من غير فلوس انا مش معايا فلوس خالص كلامك دة هايرجعنا تاني للانترنت بيزنس.
اهمية الانترنت بيزنس
الانترنت بيزنس مش بس هو صلة العصر دة من اهم مميزاتة انة مش بيحتاج راس مال كبير علي شان تبدء يعني ممكن تبدء براس مال بسيط جدا زي 2000 دولار مثلا هاتقولي حتي دول مش معايا فاكر في اول المقالة لما قلت ليك وانتا بتتعلم تشتغل موظف في شركات بس في نفس المال علي شان تقدر تطبق اللي انتا اتعلمتة في الحالة دي انتا مش بس هاتاخد خبرة انتا كمان هاتاخد فلوس حوش بقي من الفلوس دي واحدة واحدة لحد ما تقدر تبدء وبما انك بتسئل الاسئلة دي ممكن اوضح ليك حاجة مهمة جدا ماتحطش عقبات لنفسك كدة وخلاص بدل ماتقول انا مش معايا فلوس وماعنديش وقت دور علي حل تجيب منة الفلوس البسيطة اللي في الاول ودور برضة علي حل يخليك تلاقي الوقت البسيط اللي انتا هاتحتاجة وصدقني هاتلاقي 100 حل لو عاوز تلاقي.
في ناس بتقول مش معايا فلوس وابص الاقي معاة ايفون ثمنة 1000 دولار ، وناس تانية بتقول ماعنديش وقت وبعدين الاقي ان يوميا بيضيع مابين من 6 ال 7 ساعات في العقدة علي القهوة و لعب البلايشتيشن علي شان كدة انا قلت ليك في اول المقالة ان المقالة دي للناس الطموحة بس اللي قررت تغير حياتها قرار حقيقي ومستعدة فعلا انها تبذل شوية وقت ومجهود علي شان تغير حياتها مش مستني يعني حد يحققها لة امال انتا بقي هاتعمل اية.
لو بعد كل الكلام دة ان انتا لسة شايف العقبات دي قدامك ومش شايف انها حاجات بسيطة وانك تقدر فعلا تحلها اسف ان هاقولك مافيش فايدة اما لو فعلا فهمت انك تقدر زي ماغيرك وفي ظروف اصعب كتير من بتاعتك قدر ، واسمحلي اهنيك واقولك اهلا بيك في عالم جديد عالم كلة نجاح وسعادة عالم كلة احلام بتتحول حقيقة اهلا بيك في عالم رواد الاعمال.
طريقة انشاء الاصول Branding
انشاء الاصول هي الامور الي بتضع الاموال في جيبك حتي لو مش بتشتغل زي عقار مؤجر بيجبلك دخل شهري او سنوي منتظم او اسهم بتمتلكها في شركة بتجبلك ربح شهري او سنوي منتظم ، بس النوع دة من الاصول بيتطلب بالضرورة انك يكون بالفعل بتمتلك اموال كتير لاكن الاصول في عصر الانترنت لا تقتصر بس علي الانواع دي دلوقتي في عصر الانترنت لو عندك قاعدة بينات ضخمة من العملاء و العملاء المحتملين دي تعتبر دلوقتي اصول قيمة جدا تقدر من خلالها تربح منها ربح منتظم.
ابسط كمان من كدة قناة ناجحة علي اليوتيوب هي اصول ممكن تجبلك ربح منتظم لسنوات او عدد ضخم من المتابعين ليك او لعلامتك التجارية اللي هوا البيزنس بتاعك يعني دي كمان اصول ممكن تجبلك ربح متنامي ومستمر وهنا بقي هاقولك علي حاجة من اهم الامور اللي اتعلمتها.
في البيزنس بتاعك بدل ما تركز علي زيادة الدخل والربح ركز علي بناء الاصول يعني بدل ماتكون بتفكر كل يوم ازاي ازود مبيعاتي فكر ازاي تزود الاصول هاقولك مثال بسيط نفترض مثلا ان مشروعك دة كان في تجارة الكترونية في منتجات ملموسة بدل ما تركز علي ان احنا بعنا بكام النهاردة ركز علي ان احنا كسبنا النهاردة كم عميل جديد والفرق اللي ما بين الاثنين كبير جدا وشديد الاهمية لانك في الحالة دي بتكون بتبني اصول Asset اللي هيا في الحالة دي قاعدة بينات من العملاء وبيكون هدفك الثاني هو اعادة البيع ليهم مرات ومرات بعد تقديم افضل خدمة ممكنة ليهم ، فاكرين لما Amazon استحوزت علي شركة Souq بصفقة فاقت ال 600 مليون دولار تفتكر الرقم دة ادفع في اية اية اهم Asset كان عند Souq براند ولو جينا نبسط البراند كدة ونحولة لارقام فاهيكون هو قاعدة البينات من العملاء الحاليين و المحتملين اللي موجودين عند سوق انتا كمان لو عاوز تكبر المال بتاعك بشكل صحيح لازم تفكر بالطريقة دي ودي نظرة جديدة ومختلفة جدا هاتئدي بيك لنجاح جيد للبيزنس بتاعك.
طريقة الاستثمار
كلنا عارفين ان قيمة الفلوس بتقل كل يوم علي شان كدة لازم نسبة كبيرة جدا من فلوسك تكون بتستثمر استثمارات تانية غير البيزنس بتاعك وفي عندنا هنا نوعين من الاستثمار النوع الاول هوا ال High Risk High Profit يعني ربح كبير بس مع مخاطرة كبيرة ، والنوع الثاني هو ال Low Risk Low Proft يعني استثمار بمخاطرة بسيطة بس كمان ارباحة بسيطة.
تعالي بقي نبسط الموضوع بما ان بقيت بالفعل دلوقتي بتعمل بيزنس نظريا ان تبعد تماما عن الاستثمار شديد المخاطرة مهما كانت احتمالية ارباحة وهي ان بما انك بالفعل بتعمل بيزنس فانت ببالفعل عندك نسبة مخاطرة كفاية جدا ومش من الحكمة ابدا انك تزودها الا في مرحلة معينة هاقولك عليها عليها يبقي احنا هانعمل استثمار امن Low Risk Low Profit طيب زي اية وهاعملة ازاي هاتحدد نسبة معينة من دخلك الشهري بشرط ان دة مش يقل عن 10% من دخلك الشهري وتحط الفلوس دي في حسابات بنكية من نوع التوفير علي شان يكون ليها ارباح وكل ما يكون معاك مبلغ كويس تاخدة وتستثمرة في استثمار امن زي الي هاقولك علية مشروع العقار جديد ومن شركة موثوقة وليها سابقة اعمال بتطرح وحدات سكنية او تجارية او ادارية بالتقسيط والمقدم دلوقتي بقي متوفر معاك من الفلوس اللي انتا بتشلها في حساب التوفير اللي اتكلمنا عنة يلا علي طول اشتري ، شركة جديدة نزلت في البورصة وخبراء البورصة بيقولو ان الفرص بتاعتها كبيرة وانتا بصيت بنفسك ولقيت انها شركة بتقدم بالفعل منتج او خدمة مهمة وهاتفضل مهمة ال 10 سنين الجايين والشركة فعلا ناجحة يلا اشتري كم سهم ، انخفاض حصل في اسعار الذهب بدون تفكير اشتري اللي تقدر علية كدة معناة ان الذهب دلوقتي سعرة قليل اشتري وماتخفش ، الفكرة هنا بتقوم علي مبدء Buy and hold يعني انك تشتري حاجة ليها قيمة فعلية ومن المعروف ان قيمتها هاتزيد بشكل كويس مع الزمن ، طيب هو انا امتي ممكن اعمل استثمار ثاني في مخاطرة اعلي ورح محتمل اعلي اولا تكون درست الفرصة كويس واستعنت بالخبراء ثم ان يكون معاك فائض اموال ومش تستثمرة كلة طبعا في استثمار في مخاطرة لاء هاتاخد منة نسبة بس طيب اية هيا امثلة الاستثمار دة انك مثلا تدخل شريك في شركة ناشئة او مضاربة في البورصة بس بدراسة او انك تنشئ بيزنس جديد.
اخر حاجة معانا هي الاستمرار يعني هاتستمر في كل اللي احنا قولناة يعني كل اللي احنا قلنا دة هايفضل معاك بشكل مستمر يعني كل يوم هاتفضل تتعلم وتطبق اللي اتعلمتة في البيزنس بتاعك وهاتحصل علي المزيد من التمويل لمشروعك وتستثمر استثمار امن وممكن كمان غير امن بس بالشروط الي قلناها نتيجة الكلام دة هي نتيجة حتمية وقاطعية ومش ضرب من الحظ يعني اي شخص هاينفذ الكلام دة بجدية وبشروط اللي احنا قلناها هايوصل قطعا للحرية المالية اهم حاجة انك تسعي وتنجح وتحقق اهدافك وكدة نكون عرفنا كيف تحقق اول مليون دولار خطوة بخطوة من الصفر في اليزنس للمزيد تابعونا علي موقعنا الربح توداي.
جميل
ردحذف