بتعمل اعلانات ولا يوجد مبيعات - حل فشل التسويق الالكتروني

انتا بتعمل اعلانات كتير ولكن لا يوجد اي مبيعات هنا بقي احتراف التسويق الالكتروني ، اول تعامل بينك وبين اي مكان بتدخلة سواء هاتشتري منة حاجة او هايقدملك خدمة ، بتفضل معاك علي طول يعني لو المكان دة قدم ليك خدمة كويسة  والتعامل كان كويس هاتفضل متعلق بالمكان دة فترة طويلة ، لكن لو التعامل ماكنش احسن حاجة او حسيت ان المكان دة عاوز يبيع ليك كدة وخلاص بنسبة كبيرة مش هاتتعامل مع المكان دة تاني وهاتسيبة ومش هاترجعلة ، وطبعا مع التطور التكنولجي بقت نسبة التعامل وش  في الوش كدة اقل بكتير من زمان ودة بكل تأكيد لان معظم الاماكن بقت تلجأ للمتاجر الالكترونية او بمعني اصح يعني البيع علي الانترنت ، اي مكان سواء بيبيع منتج اوبيقدم خدمة لو عاوز حقيقي يطور من نفسة لازم يعمل موقع علي الانترنت بس ممكن بعد ما ينشيئ الموقع الالكتروني بتاعة يلاقي نسبة التفاعل علي الموقع الالكتروني بتاعة دة قليل جدا ونسبة الشراء بالتالي هاتقل بشكل كبير ، رغم ان يكون صارف فلوس كتير جدا علي اعلانات وتطوير موقع وكل الكلام طيب الحل كدة فين وانا هنا في المقالة دي هاقولك ازاي تتجنب سبع اخطاء ممكن تكون موجودة في صفحة الاولي في موقعك الالكتروني.

اهم الاخطاء اللتي تتسبب في قلة المبيعات و فشل التسويق الالكتروني

بعد ما تجيب شخص يكون ديفيلبور وتديلة شوية فلوس حلوين وتقولة عاوزك تعملي موقع محترم بقي وجامد والوان وحركات وتلقية فعلا عملك موقع جميل جدا وشكلة حلو ، تقول انا هابدء دلوقتي بقي واعمل اعلانات علي الفيس بوك والسوشيال ميديا وجوجل وهاخلي اي حد يدوس علي اللينك يوصل للصفحة دي والصفحة دي هي صفحة بيع المنتج بتاعك ، وهي دي اللي اسمها صفحة الهبوط يعني يعني الصفحة اللي بيهبط عليها الزائر بتاعك اول مرة يدخل فيها الموقع الالكتروني بتاعك من خلال الاعلان ، وفاجئة ان تلاقي فعلا في ناس كتير جدا تدخل علي الموقع الالكتروني بتاعك والاعلان شغال وكلة تمام ، ولاكن مافيش حد بيشتري المنتج او بياخد الاكشن اللي انتا عاوزة ياخدة من الصفحة دي او ماحدش بيطلب يستخدم الخدمة بتاعتك او اعداد قليلة جدا ، وبنسبة كبيرة ناس كتير جدا بتخرج بسرعة من الصفحة دي من غير ما تعمل اي حاجة ، وسواء بقي استخدم الخدمة او اشتري المنتج بتاعك دة ففي الحالة دي بنسميها Conversion Rate او معدل التحول ، واحد قاعد هايقولي معلشي اي ال Conversion Rate والكلام اللي بالانجليزي دة ، انا هاشرح ليكم يعني اية Conversion Rate بس انا عاوز اقولك اية السبب اللي بيخليني اقول المصطلحات دي بالانجليزية ، الهدف هو ان انا عاوز اعلمك يعني اية ، يعني هو انتا هاينفع حد يشرح مثلا الطب او الهندسة باللغة العربية بالكامل بس ومايقولش ولا مصطلح انجليزي ، لو حد عمل كدة هايبقي بيغش الناس اللي بيشرح ليهم لانة في الواقع كدة مش اداهم العلم دة بشكل كامل ، لكن الصح ان احنا نقول المصطلح باللغة الانجليزية ونشرح معاة فكدة يبقي انتا حصلت علي فائدة كاملة حقيقية.

معني Conversion Rate في التسويق الالكتروني

يعني دة معناة معدل التحول هو نسبة المستخدمين اللي بيخدو اجراء او اكشن معين ، لما بيدخلو علي الموقع بتاعك علي شان اسهلك الموضوع اكثر فامعدل التحول دة هو النسبة المئوية من زوار الموقع اللي بيشترو او بياخدو اجراء علي الموقع ، يعني يشترو الخدمة او المنتج تعالي اقولك مثال صغير نفرض ان في 100 الف واحد دخلو علي الموقع الالكتروني بتاعك ال 100 الف دول يعتبرو كدة زيارات ترافيك يعني يعني هما كدة جوة الموقع بس ماعملوش اي حاجة ، طيب لما يجي بقي 2000 واحد من ال 100 الف دول واشترو فعلا المنتج او الخدمة المعروضة في الموقع بتاعك  كدة بقي يبقي معدل التحول هيكون كام 100 الف علي 200 في النسبة المئوية Conversion Rate 2% يبقي معدل التحول بتاعك هنا 2%  ركز بقي معايا علي شان دة الي هانكمل علية المقالة دي.

هل صفحة الهبوط Landing Page  بتأثر في معدل التحول

اكيد بيكون ليها تأثير كبير جدا يعني مثلا لو انت عامل خصم معين فممكن بدل ما 2000 واحد يشترو ممكن يبقو 4000 او 5000 كمان لما تكون الصفحة قوية بما يكفي ، ممكن لو انت عامل الوان كتير والصفحة مش منظمة ومفهاش المعايير المظبوطة فمعدل التحول دة يوق وبدل ميشتري 2000 ولا 3000 ولا 4000 يشتري 1000 او ممكن حتي يشتري 100 من ال 100 الف زائر اللي دخلو علي الموقع وبالتالي يبقي معدل التحول دة وقع لي 1%  وبالتالي لازم تعرف ان Conversion Rate 1% صفحة الهبوط دي من اهم الصفحات اللي موجودة علي موقعك الالكتروني علي الاطلاق  دي الصفحة اللي  بتستقبل العميل بتاعك اول ما بيدخل علي الموقع بتاعك تقدر تعتبرها كدة ان دي السنس مان اللي  واقف في المحل بتاعك ولابس فورمن شيك يستقبل العملاء بتوعك وبيعرض ليهم المنتج بتاعك باحسن صورة ممكنة ، وبالتالي احنا لازم كدة نركز علي ان الصفحة دي تكون مظبوطة بنسبة 100% وانا دلوقتي هاقولك علي 7 اخطاء ممكن تكون بتعملهم في الصفحة دي بتأثر بشكل كبير جدا علي معدل التحويل وبالتالي هتأثر علي تحقيق مبيعات من التسويق الالكتروني.

اهم 7 اخطاء في صفحة الهبوط Conversion Rate وفشل التسويق الالكتروني

1 - اهم حاجة هنا هي Load Time  او وقت التحميل ركز لانك غالبا مش عارف حجم اهمية الموضوع اللي احنا بتكلم فية ، في موقع اسمة Load Storm  وموقع تاني اسمة Fast Company  عملو اختبار صغير كدة علي بعض المواقع ولقو ان واحد من كل 4 زوار بيسيبو الموقع وبيقفلوة او بيخرجو منة لو تحميل الموقع زاد عن 4 ثواني ، وكمان ممكن 46% من الزوار دول مايفتحوش الموقع تاني اصلا لانهم لقو ان بياخد وقت طويل جدا في التحميل زيادة عن الطبيعي اللي هو متعود علية وكمان عملو اختبار جامد علي موق Amazon ولقو ان كل تأخير في التحميل حتي لو كان ثانية واحدة بيخسر امازود 1.6 مليار دولار في السنة الواحدة من تأخير ثانية واحدة ، يني تخيل الصفحة بتاعتك ان بتحمل في دقيقة كاملة او 30 ثانية ممكن يكون بتخسر قد اية ولو كانت الصفحة دي حملت بشكل اسرع كان ممكن تكسب كام ، تعالي هنا لحظة واحدة ممكن يكون موقعك بيحمل بسرعة مثلا 10 ثواني فنت هنا تفترض ان الموقع حلو اهو وبيحمل بسرعة شفت المثال بتعنا او الاحصاء بتاع  Amazon  قيس بقي الكلام دة عندك كل ثانية ممكن تفرق معاك قد اية فنتا لازم تسعي انك تخلي سرعة تحميل الصفحة الرئيسية بتاعتك دي او Landing Page اسرع ما يمكن ولازم تنزل عن ال 4 ثواني ، طيب هو انتا ازاي تتأكد ان الموقع بتاعك سرعتة مناسبة ولابايظ وهايخسرك  الموضوع بسيط جدا هاتلاقي علي جوجل تولز كتير جدا تقدر تساعدك في عمل اختبار السرعة للموقع بتاعك حتي جوجل نفسها عاملة اداة اسمها جوجل بيج سبيد  وكمان في اداة تانية شهيرة جدا اسمها بينج دوم تو دي برضة من احسن الادوات اللي ممكن تختبر بيها سرعة تحميل صفحة الموقع بتاعك  ، الموضوع سهل جدا كل اللي عليك انك تحط اللينك بتاعك فيهم وهايعملو الاختبار  وهايدوك كل النتائج المطلوبة  وتقول ليك دي مشاكلك حلها وهاتقولك كمان سرعة تحميل الموقع بتاعك.

2 - Irrelevance في موقع اسمة Marke Ting Sherpa  عمل بحث بعض المواقع الخاصة بالبزنس ولقي اية ان  44% من المواقع بيودو الزوار بتوعهم علي الصفحة الرئيسية بدل ما بيودوك علي لينك الخدمة او المنتج نفسة ، طيب يعني اية مثلا الكلام دة يعني انتا راجل بتعمل خدمات الجرافيك ديزاين وشغلك جميل وكل حاجة وققرت ان تعمل ويب سايت خاص للشغل بتاعك وممكن الشركات تطلبك من خلالة وقررت انك تطور من نفسك ، كتبت تصميم لوجو لجوز للشركات بسعر خاص جدا جت شركة شافت الاعلان بتاعك وداست علية راحت فين راحت للهوم بيدج بتاعة الموقع بتاعك مش الصفحة اللي انت عاملها متخصصة في تصميم اللوجو بنسبة كبيرة الشركة هاتقلب شوية وهاتقول فين شغل الراجل دة مش موجود يبقي هايقفل الموقع وانتهت علي كدة ، وكدة انت خسرت عميل ودفعت فلوس علي الفاضي الموضوع حقيقي بالبساطة دي التطور ماحدش بقي عندة وقت يستني ويدور هو مالقاش اللي هو عاوزة اول ما داس فاهيدوس علي ع لامة الاكس ويخرج ، وممكن يفتح جوجل ويدور علي اللي بعدة علي طول وانا ماعتقدش انك عاوز تخسر العميل دة خلي بالك يعني لازم الرابط اللي هايكون موجود في الاعلان يكون مودي علي صفحة اللي بنسميها صفحة الهبوط ال Landing Page اللي هي الصفحة اللي فيها نفس الخدمة او المنتج اللي انت روجتلة في الاعلان ودي اهم في التسويق الالكتروني.

3 - Too Many Form Filelds خلينا نكون علي نفس المثال اللي فات علي شان مانتلغبطش لو انتا راجل شغال جرافيك ديزاين وكل حاجة معاك جيدة حطيت في اخر البيدج الاكشن اللي انت محتاج العميل يعملة زي مثلا انة يشترك في الخدمة بتاعتك انك تعملة تصميم الموقع بتاعة او صفحات الشوسيال ميديا علي مدار الشهر المهم الراجل داس علي الاشتراك واتفتح لية النموزج اللي انت عاملة علي شان يملاة ويشترك معاك هايلاقي اية بقي ممكن يلاقي بتاع 4 صفحات طلبت منة بقي يكتب اسمة واسم الشركة واسم العيلة ورقم التليفون والاميل ويدوس Next  ويظهر لية صفحة تانية يكتب فيها بقي هو عاوز اية واية المواقع اللي شبهة او ال Ompetitors وبعدين يفضل يدوس التالي  والتالي لية كل دة طبعا بنسبة كبير ناس هادوس علي Exit وتقفل ال From  فحاول علي قد ما تقدر تخلي ال Form  او النموزج بتاعك مختصر لازم تاخد المعلومات اللي انت محتاجها بحيث ان العميل مايزهقش ويخرج من الصفحة بتاعتك ، وهنا بس نوضح حاجة ان مش في المطلق يعني ماينفعش تعمل Form  طويل احيانا بيكون العمل بتاعك بيتطلب ان العميل يملي Form  طويلة شوية دي حالات نادرة جدا ، احنا بنتكلم دلوقتي علي الشائع و الاعم فانت في الغالب مش محتاج Form  طويل فاخلي ال Form بتاعتك ابسط ما يمكن.

4 - Misleading Head Lines اي شخص بيدوس علي لينك سواء علي جوجل او السوشيال ميديا بيقي متوقع علي طول ان يشوف الصفحة دي في المعلومات اللي قرائها في الهيد لاين ، بمعني اية يعني انتا مثلا عارض خدمة تصميم وانشاء مواقع وعملت ليها اعلان علي جوجل  بحيث ان اي حد يكتبها في جوجل سيرش يظهر الموقع بتاعك ومكتوب في الهيد لاين انشاء موقع الكتروني من البداية للنهاية كل دة جميل جدا بس اية اللي هايحص لو داس علي اللينك ومالقاش  اول كلمة في الصفحة دي هي  هي نفس الكلمة اللي كتبها في البحث ونفس العنوان اللي شافة في الاعلان هايقفل الصفحة علي طول وهايمشي ، وهاتبقي دفعت فلوس علي الفاضي  للدرجة دي ايون و اكثر كمان ركز معايا ، لازم يكون فية اتصال كامل في كل الخطوات اللي بيعملها العميل من اول ما كتب البحث اوشاف الاعلان لحد ما ياخد الاكشن وابسط  توضيح للموضوع دة هو العنوان ببساطة اتأكد من الكلام اللي هايكتبة العميل في البحث هيلاقية في صفحة الهبوط بتاعتك.

5 - The Wrong Images الصورة عامل مهم جدا هي اللي بتجذب العين بنسبة كبيرة جدا اي اعلان انتا بدوس علية بيكون السبب ان الصورة اللي في الاعلان دة لفتت انتباهك ، انت حتي لو في الشارع وفي طريق سريع ممكن ممكن تلتفت وتبص علي اعلان او الصورة شدت انتباهك بالتالي لازم تكون عارف Landing Page بتاعتك لو الصور اللي فيها مش بجودة عالية بنسبة كبيرة العميل هايخرج ، لاني مع التطور كلة بيصور بكميرات علي اعلي مستوي ومبقاش في حد مستعد يقبل صور متواضعة ، دة حتي دلوقتي الموبايل بقي بيصور صور احترافية جدا فمش هايخش عندك ويدايق نفسة بصور مصورها وحش او مبكسلة خلي بالك الحاجات دي كلها رغم انها ممكن تبان ليك بسيطة جدا او معروفة بس بنسبة كبيرة جدا الحاجات دي هيا بتكون السبب في معدل التحول بتاعك يكون قليل رغم انها حاجات بسيطة بس انت ممكن تهملها لاكن لو انت عندك ديجتال ماركتير فاهم شغلة وعارف يعني اية Conversion Rate وازاي يحافظ علية ويرفعة ولاكبر درجة ممكنة تقدر تعدي المشكلة دي بسهولة جدا.

6 - Renders Badly On Mobile  في فترة من زمان كدة كان عندنا عميل مستغرب جدا ان نسبة التحول او Conversion Rate للديسك توب يعني من خلال الزوار اللي بيستخدمو الكمبيوتر او اللاب توب كانت عالية تقريبا Conversion Rate 6% ودة كان رقم ممتاز جدا للبيزنس بتاعة لكن نسبة التحول علي الموبايل كانت Conversion Rate 0.5% دة حقيقي رقم قليل جدا ويدل بالتأكيد ان في مشكلة في الموقع ، طبعا ساعتها الفريق بتاعنا بدء يعمل تيست للويب سايت بتاعة وبعدين عرف علي طول المشكلة فين واكتشفنا ان المشكلة رغم بساتطها الا ان هيا اللي عاملة المشكلة الكبيرة اوي دي وهي ان الموقع مش بيشتغل بكفائة عالية جدا علي الموبايل زي ما بيعمل علي الديسك توب يعني ماكنش ال Developer  مكنش مهيئ الموقع بشكل كويس بحيث ان هو يشتغل بكفائة عالية جدا علي الموبايل زي الديسك توب واحسن كمان وبالتالي دة أثر معايا بشكل كبير جدا طبعا حل المشكلة دي كان بسيط اوي وهيا ببساطة اعادة تهيئة الموقع ليتناسب مع الموبايل بالاخص صفحة الهبوط خاصة مع التطور معظم الناس بقت بتستخدم الموبايل اكثر ما بتستخدم الديسك توب في تصفح الانترنت وبالتالي لازم تبقي عارف ان موقعك خاصة صفحة الهبوط لو مش مهيئ ان هو يشتغل بكفائة عالية جدا علي الموبايل فانت بتخسر الشريحة الاكبر من العملاء المحتملين دول وخليني اقولك كدة قولا واحدا تهيئة موقعك علي الموبايل و بالاخص صفحة الهبوط هي اهم من ان الموقع يكون مهيئ انة يشتغل كويس علي الديسك توب او الاب توب وكدة انتا ممكن تفشل في التسويق الالكتروني.

7 - Weak Or Dad Sales Copy ودة بقي من اهم النقاط ال لم تكن اهمها علي الاطلاق يعني كدة اية الاول ال Sales Copy يعني كل الكلام اللي بيتكتب في صفحة الهبوط و اللي انا بشوفة ان 90% من الناس اللي بتحاول تسوق شغلها اون لاين وكمان اكثر من 90% من النس اللي بتقول علي نفسها انها محترفة في التسويق الالكتروني مايعرفوش حاجة عن الموضوع دة وبيطبقوة بشكل خاطئ تماما ال Sales Copy محتاجة كورس كامل علي شان اشرحها بشكل كامل فانا هنا هاختصر ليك الموضوع بس بشكل فعال جدا ، ركز معايا لما تيجي تعمل صفحة هبوط لي اي منتج او خدمة وتتخيل كدة ان انت قدامك العميل اللي مهتم بالخدمة او المنتج بتاعك وعاوزك تتصور الحوار كدة كامل اللي هايدور بينك وبينة كل الاسئلة اللي ممكن يسئلها ليك والاجابة كمانبتاعتها وتكتب كل الكلام دة كلمة كلمة بنفس الطريقة اللي انت تخيلت بيها الحوار بينك وبين العميل بتاعك ، لو عملت كدة بشكل صحيح هتلاقي نفسك كتبت صفحتين او 3 علي الاقل لو لقيت نفسك خلص الموضوع دة وكتبت نصف صفحة  ولا صفحة اعرف يقينا ان انتا كدة اللي عملتة دة غلط وعيد الموضوع تاني ، مهما كان المنتح بسيط او معقد فاعلي الاقل هاتكتب صفحتين او 3 فيهم ردود قوية ومقنعة جدا وكل الاسئلة اللي ممكن يسئلها العميل المحتمل و اجابة مقنعة علي كل المخاوف اللي ممكن تكون عندة  بعد كدة بقي  تبدء تكتب الكلام دة بصورة منظمة في صفحة الهبوط بتاعتك وحقيقي لو عملت اللي قلت ليك دة هاتشوف نتائج مختلفة جدا عن اي حاجة انت جربتها قبل كدة دة حقيقي سر من اهم اسرار زيادة ال Conversion Rate طبعا بالاضافة لكل النقاط اللي قلناها قبل كدة  نكون هنا كدة انتيهنا من شرح فشل الاعلان  الممول وعدم تحقيق مبيعات في التسويق الالكتروني للمزيد تابعونا علي موقعنا الربح توداي.