في هذة المقالة نشرح اليكم كيفية تحسين ترتيب موقعك في محركات البحث وكمان تقدر تعرف Seo علي شان تتصدر نتائج البحث علي جوجل ، في حاجات كتير بتساعد انك تنشر الموقع بتاعك علي الانترنت ، وان تساعد موقعك ان يجي علية زيارات كتير ، اعتقد ان اي حد عامل موقع الكتروني مهما كان تخصصة في هدف مهم جدا عندة ، وهو ان يوصل لاكبر عدد ممكن من الناس المهتمة بنوع المحتوي اللي بيقدمة او نوع المنتج او السلعة الي بيبعها ، اصل ماحدش بيعمل موقع علي شان مافيش حد يشوفة عامل موقع يعني عاوز زيارات وانا النهاردة هاقولك ازاي تقدر تزود الزيارات لموقعك عن طريق حل جيد اسمة Seo يلابينا.
اهم طرق تحسين ترتيب موقعك علي جوجل
في البداية كدة لية واحد من اشهر المواقع علي الانترنت هو موقع ويكيبديا ، لية لما بنكتب اي حاجة علي جوجل بنسبة كبيرة جدا اول موقع بيظهر ليك في البحث هو موقع ويكيبديا ، الموضوع ببساطة الموقع ويكيبديا بيحتوي علي اكثر من 60 مليون مقالة يعني في كمية كونتكت او محتوي مهولة ، حرفيا اي حاجة بدور عليها هاتلقيها موجودة بنسبة كبيرة جدا في موقع ويكيبيديا ، نسبة كبيرة جدا من التاريخ الانساني موجودة في موقع ويكيبديا طيب ياتري اية السر في الموقع دة ،الموضوع بسيط الكونتنت يعني المحتوي يعني باختصار كدة Content is King هو جوجل عبارة عن اية ، موقع بحث بتكتب علية كلمة بيبدء يدور في كل الانترنت علي الكلمة اللي انتا كتبتها ويجبلك احسن نتيجة انتا كتبتها ، السر كلة في كلمة ، هو انتا ممكن تستفاد من الموضوع دة كلة ازاي ، اولا انك تعرف اية الكلمة او الكلمات المؤثرة واللي بتتكر بشكل كبير في مجالك ، مهما كان مجالك بقي اكيد في كلمات ما متكررة ومستهلكة ومستخدمة بشكل كبير ، طيب هو هل الموضوع يعني بالسهولة دي مجرد ان الاقي الكلمة و اكتبها عندي فاطلع في جوجل ، اكيد لاء ماكنش حد غلب يعني وكان هايبقي كل الناس بتظهر في الصفحة الاولي ، الموضوع لية اسلوب معين وخطة بتمشي عليها ، علي شان تبدء تراند وتترب في صفحات جوجل وبالتالي تظهر لعدد اكبر من الناس الهدف من المقالة دي ان احنا نساعد موقعك يظهر و يوصل لناس كثير ويكون في نتائج بحث جوجل ، وياريت لو في الصفحة الاولي ويبقي احسن و احسن لو كان في النتائج الاولي الموجودة في الصفحة الاولي.
كيفية تصدر بحث جوجل
ال Seo تعريفة البسيط كدة هو مجموعة من الانشطة عشان تعرف اي موقع بحث عن موقعك الالكتروني وخاصة موقع جوجل ، هدفك انك تعرفة ان الموقع بتاعك فية احسن محتوي للمستخدم علي شان يبدء يختار الموقع بتاعك من وسط الاف المواقع لما حد يكتب الكلمة اللي انتا بتستهدف انك تظهر فيها ، وخاصة طبعا موقع جوجل يعني مثلا لو انتا موقع خاص بالادوات في اي مجال بقي ، فاحنا من خلال ال Seo كاننا بنعرف جوجل علي موقعنا بنقول لية دة الموقع بتاعي ودة المحتوي بتاعي ، طيب هو مش انتا لما بتتعرف علي حد بتعرف عنة معلومات و بتسمع تاريخة و بتعرف عنة معلومات كتير ، اهو بالظبط كدة دة اللي احنا بنعملة احنا عاوزين ندي جوجل اكبر قدر ممكن من المعلومات عن الموقع بتاعك ، وعاوزين نديلة معلومات تعرفة ان الموقع بتاعنا مش بس في المحتي دة لاء هو احسن موقع موجود فية المحتوي دة ، بحيث ان جوجل يبقي عندة فكرة كاملة عن النشاط اللي انتا بتمارسة ، وبالتالي جوجل هايبدء يظهر او يعرض المعلومات دي للناس اللي بدور عليها في البحث بتاع جوجل.
طريقة عمل ال Seo لتصدر نتائج البحث
طيب هو احنا نعمل الموضوع دة ازاي بشكل مظبوط وبخطة واضحة اولا كدة ان ال Seo بينقسم الي قسمين On Pag Optimization و Of Page Optimization طيب هو ال On Page دة عبارة عن اية دة معناة تهيئة الموقع من الداخل ، يعني اية تهيئة الموقع يعني تهيئة الموقع لمحرك البحث بس من داخل الموقع ن طبعا انتا هاتقولي داخل وخارج اية انا هاقولك ، احنا هانقول انتا مثلا قررت تعمل موقع عن القهوة طيب اية اول حاجة ممكن تركز عليها اسم الدومين Domain Name يفضل جدا ان تحاول تختار اسم يكون لية علاقة بالقهوة في الحالة بتاعتنا دي ، وياسلام لو بيتردد علي لسان محبين القهوة بشكل كثير يعني مثلا تعالي نسمي الموقع بتاعنا دة تحويجة قوة كدة انتا لحد كبير ضمنت بنسبة كبيرة ان اي حد هايكتب كلمة تحويحة قوة علي جوجل موقعك هايكون من ضمن الاختيارات الاولي وكمان لو حد كتب انواع تحويجة القهوة وبرضة بنسبة كبيرة انتا كمان ممكن تظهر ، خلي بالك احنا بس لسة بنبتدي لسة ما كتبناش مقال ولسة ما عملناش حاجة ، احنا بس بنعمل تاتشات خفيفة وبنبي الموقع من الاساس علي شان يكون مهيئ لل Seo.
ثانيا بقي تبدء تنزل محتوي كثيف لة علاقة بموضوع الموقع بتاعك يعني مقالة مثلا عن انواع القهوة وحاول تخلي اسم المقال شيق وجزاب علي شان يشد القارئ انة يشوف المقال بتاعك ، يعني مثلا فكر في عناوين مختلفة وملفتة وفي حالة زي دي ممكن تكلم عن انواع القهوة اللي فيها كافيين عالي جدا زي مثلا Death Wish Coffee وطبعا حاول تزرع داخل المقالة كلمات ليها علاقة بي محركات البحث يعني كلمات ممكن اي حد بيدور علي معلومات عن القهوة يكتبها في جوجل يعني اغلي نوع من القهوة اطعم مذاق ولاكن لازم الكلمات دي تكون مزروعة بشكل طبيعي جدا في سياق المقال اللي انتا كتبة ، يعني ما تبقاش باين اوي انك متعمد انك تتدسها كدة جوة المقال ، لازم تكون في الصياغ خليك بسيط وطبيعي وطبعا المقال لازم يكون مفيد جدا للقارئ ويضيف لة معلومة علي شان هنا هايحصل حاجتين.
انة حايقرئ المقالة كاملة ودي حاجة مهمة جدا هيساعد في ظهور موقعك بشكل اكبر ، والحاجة التانية انةممكن مايكتفيش بقراءة مقالة واحدة لانة عجبة المقالة الاولي فاممكن يستمر في قراءة مقال و اثنين و ثلاثة داخل موقعك ومش بس كدة كمان ممكن يبقي زائر مستمر لموقعك ، حاول انك تضيف صور للمقالة وياسلام لو عرفت كمان تضيف فديوهات ، لاني زي ما احنا عارفين الفديوهات بتجذب انتباة الزائر للموقع بشكل كبير ، وكمان هايساعد في زيادة ظهورك في محركات البحث ودة لية لانها هاتظهر في اكثر من قسم بحث في جوجل ، يعني هاتظهر في Google Images و Videos ومش بس كدة وجود الفيديو في المقال هايخلي القارئ يقعد وقت اطول في الصفحة دي وزي ما قلنا تاني دي من الحاجات او العوامل المهمة جدا علي اساسها جوجل بيقدر يعرف ان المحتوي دة جيد باختصار وببساطة شديدة جدا ، واحد دخل علي المقال دة لما كتب كلمة البحث دي وقعد حوالي دقيقتين او 3 في الموقع دة ، غير واحد تاني دخل علي موقع تاني وقعد بس 30 ثانية ، جوجل كدة هايفهم علي طول ان الموقع اللي الناس بتقعد علية دقيقتين و 3 و 4 دة اكيد المحتوي اللي فية اقرب لي الكلمة دي واحسن علي شان كدة هايبدء يظهرة بشكل احسن وكمان فكرة ان هي تكون موجودة في Google Images و Videos دة معناة انها هتكون متاحة لعدد كبير من الناس ونسبة ان حد يضغط علي اللينك هتكون كبيرة ، بالنسبة بقي لرابط المقال لازم يكون اسمة Friendly Url يعني تخلي رابط المقالة نفسة في الكلمة اللي انت بتستهدفها او مركز عليها ، ودة برضة من الحاجات اللي هاتزود نسبة ظهورها في محركات البحث وخاصة جوجل ، طيب هل ال Seo ان انا اركز علي المقالات بس لاء انتا كمان لازم تركز علي تصميم الموقع بتاعك لاني التصميم الكويس والبسيط هايزود عدد الزيارات لموقعك وهيعمل User Experience احسن للزائر بتاعك وبالتالي هايزود التفعل علي الموقع بتاعك ، وكل دي اشارات بياخدها جوجل وبيعرفها وبيقيم بيها موقعك وبيبدء يرفع ترتيبك.
وياسلام بقي لو قدرت تخلي موقعك يشتغل بشكل ثلث وسهل جدا علي الموبايل لاني دة زي ما حنا عارفين النسبة الاكبر دلوقت في تصفح الانترنت بتكون من علي الموبايل ، فالازم كل صفحات موقعك تكون ممتازة و مظبوطة جدا علي الموبايل ، وحاول كمان تركز علي سرعة موقعك ان الموقع ميكنش فية بطئ لاني دة هايأثر بشكل كبير علي الزيارات وبالتالي هايأثر علي ظهور موقعك في الصفحات الاولي من جوجل ، خلي بالك خوازمية جوجل بتحسب الوقت اللي قعدة الزائر في موقعك وكل ما قعد اكثر كل ما الموقع نسبة ترشحة انة يكون في الصفحات الاولي هيكون افضل ، لكن لو موقعك بطيئ او مش مفيد وكل زائر يدخل يخرج علي طول بعد ثواني تصنيفك هايأثر بشكل كبير ويتراجع بشكل كبير جدا في نتائج محركات البحث وبالاخص جوجل .طريقة تهيئة الموقع لمحرات البحث من الخارج.
افضل طريقة تصدر نتائج بحث جوجل هي Off Page Optimization يعني مثلا انك تاخد رابط المقال اللي انتا كاتبها وتنشرها علي الفيس بوك و تويتر او بمعني اصح علي كل مواقع التواصل الاجتماعي دة هايخلي مقالاتط تظهر لعدد اكبر من الناس لاني جوجل هايبقي شايف مقالتك في اكثر من مكان وبالتالي هيديها اولوية للظهر وكمان هاتديلة فرصة ان يكون في بعض الزيارات او عدد اكبر من الزيارات دخل علي المقال هايبقي عندة حجم معلومات اكبر عن المقالة بتاعتك فايبدء يعرف ازاي يصنفها ويرقي ظهورها ، وكمان من خلال نشرك لي المقالات بتاعتك علي مواقع التواصل الاجتماعي هايكون عندك ميزة جيدة جدا ، اية هي انك ممكن تعمل حملة اعلانات ممولة عن المقالة دي علي الفيس بوك مثلا وبالتالي هاتوصل لناس اكثر و الزيارات هاتكون اكثر وكمان حجم التفاعل اللي هايتم علي المقالة يعني Comments و Likes و الكلام دة كلة هايزيد وكمان الشخص الزائر دة اللي انتا جبتة من الاعلان الممول بتاع فيس بوك ممكن يقرأ المقالة بتاعتك اللي انتا عامل عنها اعلان ويقرأ مقالة تانية و ثالثة ورابعة وبالتالي هاينتشر في الموقع بتاعك وبالتالي وقت تواجدة علي الموقع هايزيد ولما وقت تواجدة علي الموقع هايذيد الران بتاعك هايذيد تعالي الخصلك الحكاية دي في كلمتين علي شان تعرف قد اية هي مفيدة ، لما انتا تعمل شير للمقالات بتاعتك علي السوشيال ميديا وتمول بعض المقالات اللي انتا بتعملها دي باعلانات ممولة في البداية ، فاهيحصل حجم تفاعل كبير جدا علي المنشور اللي في المقالة وحجم التفاعل في حد زاتة من السجنلز المهمة اللي بتأثر في ظهور موقعك علي محركات البحث ، وكما دة هايئدي الي دخول زيارات كبيرة علي المقالات بتاعتك بالاخص المقالة اللي انت عامل ليها الاعلان ومقالات اخري ، ودة هايدي جوجل داتا اكثر كتير علي شان يقدر يبدء يصنف الموقع بتاعك ولو انتا ملتزم بالحاجات الي احنا قلناها في ال On Pag Optimization والمقالات بتاعتك مفيدة والموقع سريع وتصميم حلو الناس حاتقعد وقت طويل وبالتالي هاتبقي اديت جوجل كم كبير جدا من السجنلز بتقولة باختصار انا احسن موقع موجود في الكلمات دي فاهيبدء ياخد بالة ويصنف الموقع بتاعك بشكل احسن وكمان بشكل اسرع ، وفي حاجة كمان ممكن انك تعملها وهي انك تتواصل مع الناس اللي عندهم مدونات بتتكلم عن مواضيع ليها علاقة بنفس الموضو بتاعك ، وتطلب منهم ان هما يضيفو روابط لبعض المقالات بتعتك داخل المقالات بتاعتهم ، والحكاية دي بنسميها مع الجزء بتاع السوشيال ميديا هي Back Links.
اهم مميزات عمل Back Links لموقعك
الميزة المهم هي ان انتا بتستفاد بقوة اي موقع تاني كانك كدة ركبت الموقع بتاعك علي موقع قوي فاشالة وطلع بية ، يعني اي موقع موجود فية رابط لموقعك موقعك هايأثر ، يعني الموقع دة لو ترتيبة زاد في جوجل انتا كمان موقع ترتيبة هيذ يد ولما الموقع دة ترتيبة يبقي قوي هايديك جزء من قوتة لانك بالفعل متواجد فية ، والعملية دي بتساعد محركات البحث وبالاخص جوجل ان يكون عندها ثقة في الموقع بتاعك تقدر تعتبر كدة ان كل باك لينك من دول كان في وجود تصويت للموقع بتاعك كل ما التصويت دة كان من ناس اقوي اللي هو الموقع نفسة قوي و عدد اكبر كل ما كانت الاشار اقي لجوجل انة يبدء يرقي المقالة بتاعتك ، طيب في حاجة كدة صغير ماتنسهاش ، لو قرت انك تحط رابط للمقالة بتاعتك في مواقع تانية لازم يكون الموقع التاني دا او المقال علي الاقل اللي انتا هاتحط في الرابط لية علاقة بنفس المواضيع اللي بتتكلم فيها في موقعك ، علي شان ماتخسرشي زيارات وبالتالي هاتخسر الترتيب ، لان لو عملت الموضوع دة بشكل خاطئ ممكن يجيب معاك نتيجة عكسية ، يعني لو مقالل عن الاكل او القهوة نحطها في موقع بيتكلم عن القهوة او في موقع بيتكلم عن تجهيز المشروبات في المنزل مثلا ، لاكن مانجيش نحطة علي موقع بيتكلم في الالكترونيا لائنك كدة هاتخسرة تماما كارابط باك لينك مش بس كدة دة ممكن يتسبب في نتيجة عكسية يعني جوجل يعمل دي رانك للموقع بتاعك يعني يقلل تصنيفة عاوزك بقي من النهاردة تبدء تركز في المقالات دي ، وتتبع الخطوات اللي قلتهالك وتحاول تهتم بالمعلومات و المقالات الي بتحطها علي موقعك علي شان ال Seo حقيقي من اقوي الطرق اللي ممكن تستخدمها وانت علي الانترنت.
اهم طرق تصدر نتائج البحث
اول حاجة علي شان نعمل Seo كويس انك هاتعمل مقالات بشكل مستمر يعني مش مقال واحد لاء انتا لازم دة يكون كل اسبوع ع لي الاقل كل اسبوع بتعمل ثلاثة او اربع مقالات للموقع الالكتروني بتاعك والمقالات دي لازم تكون ماشية باستراتيجية يعني تكون عارف اية الكلمات اللي انت بتستهدفها وبتركز فيها في كل المقالات تأكد ان الكلمات دي موجودة في العنوان الرئيسي بتاع المقالة و في رابط المقال وداخل المقال لاكن منتشر بشكل طبيعي ، وبعدين استخدم ادوات تساعدك علي انك تعمل الكلام دة بشكل احسن زي اداة شهيرة جدا موجودة في وورد بريس اسمها Youst Seo دي من احسن الادوات اللي هاتقولك انك ماشي صح من ناحية الكتابة.
الحاجة اللي بعد كدة اتأكد ان ديما المقالات بتاعتك حجمها كبير لا تقل ابدا عن 1500 كلمة لاكن طبعا بجودة ولازم تتأكد ان المقالات مفيدة للقارئ وان هايقعد فعلا يقرئها وهايقعد اطول وقت ممكن لو حطيت فديوهات وصور هاتساعد بشكل كبير في تحسين ترتيب ظهورك وكمان ماتنساش تعمل Share للمقالات بتاعتك علي مواقع التواصل الاجتماعي ومش بس كدة حاول تمول بعض المقالات من خلال اعلانات الفيس بوك علي شان تعمل حجم تفاعل كبير وحجم زيارات كبير وبكدة هاتدي كل السجنلز المطلوبة لجوجل وزود كان دور علي كم موقع من الجامديين او المدونات اللي ليهم علاقة بمجالك واطلب منهم يضيفو بعض الروابط لبعض مقالاتك ، هما هايخدو بعض المقابل المادي لاكن دة هايكون مفيد جدا Back Links وكدة تبقي انتا ماشي علي ال Seo لا بد انك تعرف ان ال Seo مفيدة جدا الا انها بتاخد وقت طويل شوية علي ما تبدء تجد منها النتائج ، يعني لازم تستمر في الموضوع دة وتبدء تتوقع النتائج بعد بضعة اشهر مش فورا ودي ممكن السلبي الوحيدة اللي موجودة في ال Seo لاكن بعد كدة تخليل انك بيجيلك زيارات يوميا بالمجان ممكن توصل لي الاف الزيارات اليومية وممكن كمان تستفيد منها بي اشكال كثيرة جدا كدة انا لخصت ليك ال Seo في كلمتين وكدة يكون انتهينا من شرح كيفية تحسين موقعك لمحركات البحث وكيفية تصدر نتائج البحث علي جوجل للمزيد تابعونا علي موقعنا الربح توداي.
ليست هناك تعليقات:
إرسال تعليق