هنقول الان اهم فكرة في الاقتصاد وازاي تعمل مشروع مربح برأس مال صغير ، ناس كتير خسرت شغلها خلال الفترة الاخير وبتفكر دلوقتي تستخدم مدخرتها في فتح مشروع تعيش منة ، وناس اكثر زهقت من الشل عند الناس وعاوزة تفتح مشروع لحسابها ودة طبعا غير اللي رجع من الغربة وفكر يحط تحويشة عمرة في مشروع يغنية عن السفر تاني ، في الحقيقة فكرة امتلاك مشروع خاص هي حلم ناس كتير لكن خلينا الاول نسئل الاسئلة المهمة ن لو في دماغك مشروع معين فالية المشروع دة بالتحديد لية مش مروع تاني واية اللي يضمن ليك ان اول ما تفتحة الناس هتجري علية وتشتري منك انت مش من غيرك والاهم من كل دة هل الحوار دة هيجيب همة في الاخر ولا هيبقي اللي جاي اقل من اللي رايح ولا تخلي فلوسك في جيبك احسن ، طيب نقدر نحدد دة ازاي بقي ، دة اللي هنعرفة النهاردة في هذة المقالة من اهم مقالات ازاي تعمل مشروع مربح برأس مال بسيط جدا تابعونا.
ازاي تعمل مشروع مربح برأس مال بسيط
المستثمر الامريكي الشهير Warren Buffett لة مقولة بيقول فيها ان القاعدة الفعالة من الاستثمار هي انك ماتخسرش فلوسك ، اما القاعدة الثانية فهي انك ماتنساش القاعدة الاولي واللي يقصدة Warren Buffett هي انك كامستثمر ضروري جدا مخاطرك محسوبة وعارف حجم العائد المتوقع من وراء الاستثمار ، مهم جدا قبل ما تدخل اي مشروع تكون دارسة كويس ومش معتمد بس علي احساسك زي ماناس كتر بتعمل ، لاني اللي علي المحك هنا مش فلوسك وشقي عمرك بس وانما كمان وقتك ومجهودك من هنا يجي دور دراسة الجدوي اللي بنعملها علي شان نعرف المشروع دة اولة اية واخرة اية يعني هيتكلف ام هيعمل ربحية كام وبعد كام سنة.
طرق واساليب عمل دراسة جدوي لمشروع مربح
الطرق والاساليب ديبتختلف حسب طبيعة المشروع والمجال نفسة لكن في نقاط رئيسية تقدر تبطقها علي اغلب المشاريع وهنحاول بقدر نوضحها بلغة السوق خالص هنتكلم عن المشاريع الصغيرة Start Ups للشركات الناشئة لاني في فروق كبيرة بين الاثنين المهم ان اي مشروع في الدنيا دراسة الجدوي بتاعتة بتكون 4 اقسام رئيسيى.
1- دراسة السوق اللي هندخلة
2- دراسة الناحية الفنية للمشروع
3- دراسة الناحية القانونية للمشروع
4 - بندرس فية الجدوي المالية للمشروع
دراسة السوق للمشروع
دة ممكن يكون اكثر جزء مرهق في دراسة الجدوي ولكنة ضروري جدا زي مثلا اللي بيروح يفتح مطعم في اي مكان من غير دراسة جدوي وبيتوقع ان اكيد هيشتغل ومنطقة ان الناس مش هتبطل اكل ودة صحيح فعلا لكن برضة الناس مش بتاكل من كل المطاعم خاصة لو كانت عادية ومكررة ومش كل الناس بتاكل في المطاعم من اساسا الواقع بيقول ان جزء كبير من المطاعم بتفشل وبتقفل من اول سنة كتير ممكن يستغربو ويشوفو الكلام مبالغ فية لاني اغلب المطاعم اللي يعرفوها شغالة كويس وليها زبائن والتصور دة في الحقيقية هو في كتير بيقو مننا في فخ وغلطة وهي شهيرة اسمها Survivorship Bias الانحياز الي الناجين المغالطة دي بقي بتخلينا مش شايفين قدمنا غير المطاعم الناجحة ودة لانها هي اللي كملت اما الواقع بيقول ان المطاعم الفاشلة قفلت واختفت من الوجود من غير ما ننتبة لوجودها اساسا احنا ايون ماشفناش المطاعم دي لكن ننفي بوجودها ، مثال نسيم طالب في كتابة عبارة بتقول المطاعم الفاشلة صامتة جدا يعني باختصار ماحدش بيعلن فشلة والمطاعم الفاشلة بتخر من السوق في صمت انا اتعمدت اضرب المثل بالمطاعم لانها من اكتر المشاريع اللي احنا بندخلها كتير وبنحط فيها شقي عمرنا معتقدين انة سهل وابعادة معروفة بدون مانكلف نفسنا نعمل دراسة جدوي بمبلغ صغير وبعدين نلاقي نفسنا بننصدم بالحقيقة المورة وهي معظم المطاعم بتفشل عددالعملاء المحتملين.
في دراسة السوق اول حاجة عاوزين نعرفها هي عدد العملاء المحتملين ، يعني عدد الناس اللي ممكن تخرج فلوسها من جيبها وتدفعها في المنتج او الخدمة بتاعتك كل ما كان عدد الناس دي كان كبير كل ما كان افضل لاني دة معناة ارادات اكبر للمشروع خليك قادر انك تغطي مصاريفة في وقت قصير وتحقق هامش ربح محتررم طيب تعرفعدد العملاء المحتملين او حجم السوق بتاعك ازاي ، ببساطة تنزل المنطقة اللي بتفكر تفتح فيها المشروع بتاعك وتبص علي المنافسين وتشوف عددهم ومدي الاقبال عليهم وكام واحد بيدخل وفي نفس الوقت تحاول تتعرف علي طبيعة الانشطة الاقتصادية اللي موجوة في نفس المكان واللي ممكن يكون بعضها مفيد لمشروعك وبعدين تحاول تتعرف اكتر علي طبيعة سكان المنطقة ومستواهم المادي وخلفياتهم الاججتماعية ، وبالمناسبة انت مش محتاج توصل لارقام بالغة الدقة انتا بس بتشوف السوق وبتحاول تقدر بشكل نسبي مدي احتياج او اهتمام الناس هناك بالمنتج او الخدمة بتاعتك ودة ممكن تعملة باساليب كتير منها استطلاع رايهم عن طريق الانترنت ، بما ان المنتج او الخدمة بتاعتك مش جديدة فاغالبا هتلاقي منافسين كتير في السوق اللي انت داخلة واول حاجة المستهلكين هيعملوها مجرد ما تدخل السوق هما انهم هيقارنو بينك وبين المنافسين يشوفو الافضل ليهم المستهل مش بيشتري غير من المكان اللي بيوفر لية اكبر قدر من القيمة والمزايا مقابل الفلوس وبالتالي انت محتاج تعرف الاول هوية المنافسين ووضعهم في السوق يعني مين هم ومين فيهم اكبر من التاني وتعرف كمان اية اللي بيمزهم وعلي هذا الاساس هتعرف تحدد اية المختلف اللي هتقدمة للعميل تخلية يتعامل معاك انت مش مع غيرك واية الميزة التنافسية بتاعتك وهنا بقي في نقطة مهمة جدا ، راي العميل اهم من رايك الف مرة بمعني انك مثلا تكون متنع ان المطعم بتاعك بيعمل افضل بيرجر في البلد في حين ان الزائن اللي جربوة بيحلفو ان مش حلو وعلي شان كدة مش بيعدو اصلا من قدام المطعم انت ممكن تكون صح وتفكيرك سابق الناس كلها لكن دة مش مهم ومش هيكسبك فلوس لو العميل شايف غير كدة باختصار مش كفاية انمشروعك يكون لية ميزة معينة الاهم ان الزبون يكون مقتنع بالميزة دي.
الدارسة الفنية للمشروع هنا في نقتطين مهمين الاولي هي الفريق او طاقم العمل مشروعك علي شان ينجح ويتميز ضروري جدا تكون العناصر اللي قائمة عليادارة المشروع وتشغيلة عندها القدر الكافي من الكفائة و المعرفة والخبرة ، يعني مثلا ماينفعش تروح تفتح مركزتصليح سيارات وتشتغل فية ناس ضعيفة الكفائة ا ماعندهاش خبرة ممكن تبوظ العربيات او يبقي مدير المركز مثلا شخص عصبي لا يجيد التعامل مع الناس او اللي بيديرو المشوع ماعندهمش اي خبرة في المجال فابلتالي مش قادريت يتعامل مع الزبون او يفهمو احتياجاتة الادارة الجيدة قادرة انها تكبر اي مشروع وتتفوق علي المنافسيت وتعدي بيه اوقات صعبة و علي شان كدة يعتبر طاقم العمل هو عنصر حاسم في تحديد فرص نجاح او فشل المشروع.
الموارد كل مشروع بيحتاج موارد معينة علي شان يصل لمرحلة التشغيل والمقصود هنا الموارد التشغيلية غير المالية و اللي بشمل مثلا المكان المعدادت التجهيزات وحقوق استخدام تكونولوجيا معينة لو مجال المشروع بيتطلب دة و اذا كانت الموارد الهامة للمشروع لسة غير متوفرة ببساطة مش هتنفع تبدء.
الجانب القانوني بالنسبة للدراسة القناونية للمشروع فبشكل سريع جدا ان فية قوانين قناونية مختلفة بتنظم عمل الانشطة التجارية وقبل ماتبدء المشروع ضروري تكون علي دراية بالقوانين اللي بتحكم النشاط اللي هتدخل فية ويكون عندك فكرة مثلا عن التراخيص الحكومية المطلوبة و البيئة لو مشروعك بيتطلب دة في الحقيقة ان الجانب القانزني مهم جدا لاني في كتير من المشاريع خسرت بسبب مشاكل قانونية.
الجدوي المالية دة الجزء المهم اول حاة محتاج تعملها هنا هي انك تقدر حجم المبيعات المحتملة انت دلوقتي عندك فكرة من مرحلة دراسة السوق عن عدد العملاء المحتملين او اللي انت قادر علي جزبهم العدد دة هتضربة في متوسط الانفاق المتوقع للعميل الواحد علي المنتج او الخدمة بتاعتك طبعا الموضوع مش بالبساطة دي في طرق واساليب كتير لتقدير المبيعات كل اللي نقدر نقولة هنا وانت بتعمل الخطوة دي ضروري جدا تاخد بالك من حاجتين اول حاجة ماتعدمش بشكل مبالغ فية علي وعود علي كلام الناس اللي سئلتها لما كنت بتعمل دراسة السوق ودة لانة الكلام ديما سهل وخصوصا لما يكون ببلاش بمعني خلينا نفترض ان واحد بيعمل دراسة سوق وبسئلني انت ممكن تشتري المنتج دة لو بقي متاح في مكان قريب منك انالو عندي اي درجة من درجات الاهتمام بالمنتج بتاعك غالبا هقولك ايون لكن لو في نفس اللحظة لو طلعة من جيبة وقالي المنتج اهو اتفضل اشترية هقول لة لاء يبقي كدة الكلام اختلف وممكن جدا مش اشترية ودة بياخدنا للنقطة الثانية هي درورة التحفظ جدا وانت بتحاول تقدر حجم المبيعات بتاعتك لو في 1000 واحد هنقول انهم هيشترو منك ظبط حساباتك علي انهم هيبقو 500 مثلا تتوقع مبيعات صغيرة وتتصرف علي اساسها مثلا ويجيلك مبيعات كبيرة افضل من انك تتوفع مبيعات كبيرة ويجيلك مبيعات صغيرة ماتحققش ربح ولا تعطي مصاريفك وبعد ما توصل لتقدير نسبي للاجابات المحتملة هتقارن انا بدي بالتكاليف الثابتة والمتغيرة للمشروع وبكدة هتعرف اذا كان المشروع هيغطي مصاريفة وهيحقق ربح ولا لا وبالتالي يمكن لاحظت ان دراسات الجدوي مش سهلة وفيها ابعاد تفاصيل كتير ودة صحيح فعلا وعشان كدة قد يكون من الافضل انك تستعين بشركة متخصصة تعمل الداراسات دي ومهم جدا ان تفتكر ان دراسات الجدوي مهما كلفتك من وقت ومال ومجهود تكلفتها في النهاية اقل بكتير من تكلفة خسارتك وراس مالك او جزء كبير منة لو المشروع فشل لو الدراسة نهايتها خلصت عليان مشروعك ودراستة الحالية خسران ومش هيغطي مصاريفة فانا مش محتاج اقولليك سيبك من الفكرة دي وماتحطش فلوسك فيها لان دة الطبيعي لكن السوئال بقي تعمل اية لو الدراسة قالت ليك ان ربحيا متوقعا لمشروعك 10% سنويا مثلا هل النسبة ي حلوة ولا وحشة مهم جدا وانت بتجاوب علي السوئال دة تكون حاطط 4 نقاط في اعتبارك.
حجم راس المال اللي ناوي تبدء بية مشروعك ، العائد المتوقع هيتحقق بعد قد اية ، درجة المخاطرة اللي انت بتتحملها و الفرصة البديلة لوقتك وفلوسك ومجهودك قرارك بتنفيذ او عدم تنفيذ المشروع دة المفروض يكون بناء علي تقييمك للنقاط ال 4 اللي فاتو يعني انا حاطط راس مال ضخم في المشروع متوقع ان العائد بتاعة مايبدئش يتحقق غير بعد فترة طويلة كدةانا بتحمل مخاطر كبيرة وبالتالي لو العائد المحتمل مش كبير كفاية فابلاش المشروع دة خاصة لو قدامي خيارات استثمارية اكثر امانا بعوائد قريبة من المعدل دة او اعلي منة بنفس المنطق من غير المعقول ان انا اسيب وظيفة بتحصل منها علي دخل شهري قيمتة 6000 جنية علي شان مشروع هيصفي بعد مصاريفة 2000 جنية في الشهر وهنا بقي وانت بتاخد القرار احزر من انك تسيب نفسك للتفائل غير الواقعي اللي عادتا بيكون انك توقع في فخ التحيز الادراكي او الانحياز للتفائل واللي بيخلو كتير مننا بيبالغو في تقدير الاحتمال النتائج الايجابية ويقللو من احتمال النتائج السلبية ودة اللي قصدة الاقتصاد الامريكي الشهير Daniel Kahneman لما قال في الكتاب بتاعة المدرين في كثير من الاحيان بيبالغو في تقدير المكاسب المحتملة وبيركزو بشكل اكبر علي سنيروهات النجاح نفس الوقت اللي بيتجاهلو فية الفشل واحتمالات الحسابات الخاطئة والفشل بيبدء من لحظة تجاهلها او القفز فوقها في امريكا مثلا بينات مكتب احصائيات العمل بتقول ان ما يقرب من نصف المشاريع الجديدة مابتكملش 5 سنين وتقفل اللي يسير الاهتمام هنا مش نسبة المشاريع الفاشلة وانما اسباب فشلها واللي من ضمنها علي سبيل المثال ان اصحاب المشاريع دي بعد ما فتحوها اكتشفو ان السوق مش مهتم او الفلوس خلصت ومابقوش قادرين يصرفو علي المشروع او تغلب علي المنافسيين وبسبب مشاكل في التسعير والتكلفة كل دة يخليك تفكر جيدا قبل ما تنفذ اي مشروع احنا هنا مابنقلش ماتعرضش فلوسك لاي مخاطرة لاني المخاطرة هي جوهر الاستثمار انما بنقول الافضل المخاطرة تكون محسوبة وبالمناسبة مش كل المشاريع تناسب كل الناس حتي لو كانت مربحة ببساطة لاني قدرتنا علي تحمل المخاطر.
مدير المشروع اغلب اللي بفتحو مشاريع بفلوسهم بيفكرو فيادارة المشروع بنفسهم ودة في كتير من الاحيان بيكون نقطة ضعف قاتلة للمشروع المفروض ان هدفك الرئيسي من اي مشروع انك تكسب فلوس فابلتالي مش مسموح باي شيئ يحول دون تحقيق الهدف دة حتي لو كان انت شخصيا المدير اللي المشروع بيحتاجة ضروري يكون بيتميز بصفات زي مثلا صانع قرار قادر علي تحمل المسئولية صاحب خبرة في المجال بيمتلك القدرة علي ادارة طاقم العمل لو الصفات دي عندك يبقي ممكن انك تدير المشروع ولو مش موجودة عندك يبقي دور ببساطة علي اللي بيمتلكها وجيبة هو يدير مشروعك ومش تعرض راس مالك للخطر وخليك علي دراية كاملة بان اهم شيئ قبل عمل اي مشروع انك تقوم بدراسة الجدوي للمشورع وكدة انتهينا من الفكرة في انك ازاي تعمل مشروع مربح براس مال بسيط للمزيد تابعونا علي موقعنا الربح توداي.
ليست هناك تعليقات:
إرسال تعليق